Mapio’r daith gyntaf rhwng Iwerddon a Chymru
Archwilio’r modd yr addasodd ein cyfanheddwyr cyntaf i’w hamgylchoedd er mwyn goroesi
Mae Portalis yn mapio hanes y daith gyntaf rhwng Iwerddon a Chymru, sy’n dyddio’n ôl i’r cyfnod Mesolithig, tua 10,000 o flynyddoedd yn ôl. Mae ein prosiect yn ymchwilio i’r modd yr addasodd y cyfanheddwyr cyntaf i’w hamgylchoedd er mwyn goroesi, ac mae’n ceisio deall a oes yna unrhyw gyffelybiaethau rhwng hyn a’r modd y gallwn ninnau addasu i’r newid yn yr hinsawdd ‘nawr.
Mae Portalis yn brosiect peilot trawsddisgyblaethol dan arweiniad cynllunio, ac a gefnogir gan Gronfa Datblygu Rhanbarthol Ewrop trwy Raglen Gydweithredu Iwerddon Cymru, www.irelandwales.eu. Arweinir y prosiect gan Brifysgol Dechnolegol y De-ddwyrain (SETU) ac fe’i cefnogir gan Brifysgol Cymru y Drindod Dewi Sant, Cyngor Sir Ceredigion a Siambr Fasnach Waterford.
Mae rhaglen Cydweithredu Tiriogaethol Ewropeaidd Iwerddon Cymru 2014-2020 yn rhaglen forol sy’n cysylltu busnesau a chymunedau ar arfordir gorllewinol Cymru ag arfordir De-ddwyrain Iwerddon. Mae’r rhaglen yn canolbwyntio ar chwilio am atebion i heriau a rennir, gan gynnwys proses addasu Môr Iwerddon a chymunedau arfordirol i’r newid yn yr hinsawdd, ac adnoddau a threftadaeth diwylliannol a naturiol.
Mae’r bartneriaeth sy’n cyflenwi’r prosiect yn uno yn y pwrpas a rennir o gyd-ddatblygu gweithgareddau cwbl gynhwysol, sydd wedi’u teilwra i anghenion ein cymunedau ac ymwelwyr, a hynny dan arweiniad y dinesydd.
I gyflawni hyn, byddwn yn gweithio gyda’r chwe chymuned arfordirol ganlynol yn Iwerddon a Chymru, gan greu dau rwydwaith twristiaeth drwy brofiad trawsffiniol newydd.
Portalis
Ein gwaith
Yr hyn a wnawn
Mae Portalis yn cydgrynhoi tystiolaeth gyfredol ac yn darparu data newydd. Rydym yn dehongli’r data hwn i ffurfio naratif trawsffiniol cyffrous sy’n cael ei ddatblygu i fod yn brofiad newydd pwerus i ymwelwyr mewn dwy amgueddfa allweddol.
Gweithio gyda chi
Gan weithio gyda chymunedau lleol, rydym yn defnyddio ystod o dechnegau gwahanol i fapio a hyrwyddo ein profiadau trawsffiniol cysylltiedig a rennir o gyrchfannau, a hynny ochr yn ochr â digwyddiadau cyffrous sy’n cefnogi cymunedau a busnesau yng Nghymru ac Iwerddon!
Ymunwch â ni
Ymunwch â thîm Portalis i ddarganfod a diogelu ein treftadaeth ddiwylliannol a naturiol gyffredin trwy ein digwyddiadau a’n gweithgareddau. Dewch i helpu i olrhain ôl troed y daith gyntaf a’r cysylltiadau diwylliannol rhwng Iwerddon a Chymru.
Chwe chymuned arfordirol:
Tan-y-bwlch
Aberystwyth, yng Ngheredigion, Cymru
Dwyrain Dunmore
Aber Waterford, Iwerddon
Dyffryn Aeron
yng Ngheredigion, Cymru
Wexford, Iwerddon
Penrhyn Hook
Llangrannog
yng Ngheredigion, Cymru
Aber Waterford
ardal yr harbwr a’r pentrefi arfordirol cyfagos, Iwerddon
Byddem wrth ein bodd yn clywed gennych
Cysylltwch i ddarganfod mwy
Ymunwch â thîm Portalis i ddarganfod a diogelu ein treftadaeth ddiwylliannol a naturiol gyffredin trwy ein digwyddiadau a’n gweithgareddau. Mae hyn yn ein helpu i gyfrannu at ymchwil newydd a fydd yn archwilio heriau newid hinsawdd arfordirol a, thrwy wneud hynny, yn ein helpu i olrhain ôl troed y daith gyntaf a’r cysylltiadau diwylliannol rhwng Iwerddon a Chymru.
