![\"\"](\"https:\/\/portalisproject.eu\/wp-content\/uploads\/2023\/06\/351335577_266159242638817_3323477563264733229_n-300x225.jpg\")
<\/p>\nDaeth yr uwchgynhadledd \u00e2 chynrychiolwyr awdurdodau lleol a chymunedol o Iwerddon a Chymru ynghyd, gan gynnwys ymweliad \u00e2 Fferm F\u00eal Afon M\u00eal a\u2019r Medd-d\u0177. Cafwyd taith o amgylch y fferm a\u2019r Medd-d\u0177\u00a0gan Sam\u00a0Cooper,\u00a0perchennog y fferm, oedd hefyd yn cynnwys\u00a0cipolwg da ar strwythur cymdeithasol a threfniadaeth anhygoel y gwenyn.<\/p>\n
<\/p>\n
Cynhaliwyd uwchgynhadledd gyntaf Portalis ar gyfer datblygu rhwydwaith trawsffiniol yng Ngheredigion, Cymru yr wythnos diwethaf, pryd y daeth cynrychiolwyr rhanddeiliaid lleol o gymunedau arfordirol allweddol ynghyd ar gyfer yr hyn a oedd yn garreg filltir bwysig i\u2019r prosiect.<\/p>\n
Roedd y cynrychiolwyr yn cynnwys gr\u0175p rhanddeiliaid lleol o Iwerddon a gr\u0175p rhanddeiliaid lleol o Gymru; y ddau gr\u0175p wedi\u2019u creu yn sgil prosiect Portalis.<\/p>\n
Mae Portalis yn archwilio\u2019r cysylltiadau rhwng Bae Ceredigion, Cymru a De-ddwyrain Iwerddon yn ystod y cyfnod Mesolithig, neu\u2019n hytrach y cyfnod a arferai gael ei adnabod fel Canol Oes y Cerrig. Mae\u2019n gwneud hyn drwy ddefnyddio tystiolaeth bresennol a darparu data newydd i greu naratif trawsffiniol cyffrous.<\/p>\n
Dywedodd Gwenfair Owen, Swyddog Twristiaeth a Marchnata Cyngor Sir Ceredigion ac aelod o Gr\u0175p Rhanddeiliaid Lleol Cymru, a fynychodd yr uwchgynhadledd agoriadol, \u201cmae\u2019r straeon rydyn ni\u2019n eu rhannu wedi\u2019u gwreiddio\u2019n ddwfn yn y tirwedd ac mae Portalis wedi darparu ffordd newydd a difyr o archwilio, deall a chysylltu \u00e2 natur a phobl, lle mae eiliadau pwysig o ddarganfod yn pontio miloedd o flynyddoedd.\u201d<\/p>\n
Dywedodd Billy Duggan, Uwch Swyddog Gweithredol Cyngor Waterford ac aelod o Gr\u0175p Rhanddeiliaid Lleol Iwerddon, a fynychodd yr uwchgynhadledd gyntaf, \u201croedd yr uwchgynhadledd yn gyfle i adeiladu ar yr hyn a ddysgwyd rhwng Gorllewin Cymru a Dwyrain Hynafol Iwerddon, wrth rannu ein hanes a diwylliannau ein cymunedau arfordirol. Dangosodd y pwyslais ar arferion cynaliadwy ei bod yn bosibl cael atyniadau unigryw i ymwelwyr sy\u2019n denu pobl, ond sydd ar yr un pryd yn ategu hanes ac amgylchedd lleol.\u201d<\/p>\n
Mae’r prosiect hefyd yn ceisio cefnogi cynnydd cynaliadwy yn nifer yr ymwelwyr i\u2019r ardaloedd hyn trwy gyfrwng rhwydwaith twristiaeth trawsffiniol newydd sy’n ymgysylltu ac yn cydweithio ar brosiectau cyffredin gyda’i gilydd.<\/p>\n
Cynhaliwyd yr uwchgynhadledd yn Aberaeron, ac fe\u2019i mynychwyd gan randdeiliaid lleol Gwyddelig oedd wedi teithio teithio draw i Gymru ar fferi.\u00a0Bu\u2019r gr\u0175p yn rhannu syniadau ac yn archwilio cyfleoedd i ddatblygu rhwydwaith datblygu twristiaeth\u00a0trawsffiniol.<\/p>\n
Wrth siarad am botensial y gr\u0175p yn y dyfodol, dywedodd Donal Nolan, Arweinydd Datblygiad y Rhwydwaith ar ran Portalis:\u00a0\u201croedd ein cyfarfod wyneb yn wyneb yn gynhyrchiol iawn ac fe wnaeth ein galluogi ni i ddyfnhau\u2019r cysylltiad rhwng y cymunedau a\u2019r rhanddeiliaid sy\u2019n gweithio ar brosiect Portalis. Rhoddodd y cyfarfod gyfle i\u2019r cyfranogwyr drafod prosiectau cydweithredu yn y dyfodol a chreu\u2019r seiliau ar gyfer perthynas waith dda.\u201d<\/p>\n
<\/p>\n